Rory Handia
20 urte ere badauzka sarrera honek. Rory Gallagher-ek Lekeitioko frontoian jo zuenekoa da eta, interneten ezagututako kolekzionista batek eskatuta, ganbarako paper zaharren artetik erreskatatu dut. Duela hamar bat urte Hil zen alkondara koadrodun jainkoa, Rory, eta hemen darraigu, alderrai, jainko berrien bila kontzertuz kontzertu.
Egunokaz Rory berriro neurera ekarri didan hau asturiarra da eta nahikoa izan nuen foro batean komentario txiki bat uztea, berarekin mezu-trukean hasteko: oso interesatuta zegoela Rory-ren kontzertuetako sarrera, egunkari kronika, grabazio edo dena delakoak lortzen, estatuan jo zuen jaialdi guztietako tiketak zituela Bilbokoa izan ezik, Gallagher-en bizitza osoko ekitaldien zerrenda zutela eta Bilbokoari (Lekeitiokoa) buruzko datuak falta zitzaizkiola…
Kontuarekin bero xamartuta, Jon Gurrutxagaren Rory Gallagher: Kemena eta leialtasuna lana erosi berri dut eta, biografiak irakurtzeko ohiturarik ez dudan arren, ez dauka itxura txarrik. Horixe, honelaxe jarri naizela berriro kitarrajole irlandarraren atzean eta hemerotekara ostera bat egitekotan ere banagoela uztaileko gau magiko haren biharamuneko kronika lortu eta fan zoro honi mesede egiteko.
Shadow Play… makiña bat aldiz entzuna; abesti earra!
Comment by i eme — 2007,January 20 @ 8:31 pm
Ieme, zurea telepatia da, kanta horixe daukat prest podcast egin (etxeko traste hau ozta-ozta idazteko darabilt) eta txatal honi eransteko. Astelehenean berriro entzun ahalko duzu hemen!
Comment by Administrator — 2007,January 20 @ 8:47 pm
Etxerakolanak egiten… zurea topau dut ezagun eta lagun.
Comment by patxo — 2007,January 21 @ 10:23 pm