Barregarriok!
(Punkamine talde handiaren Gerra kantua azpian irakurketa girotzeko)
Aspaldi ez dela ikusi genuen, luzaroan Benidormen entrenaturiko jubilatu aldra bat, barregarri, bainuzale libanotar harrituen artean lehorreratzen… Espainia ere sasoi loriatsuagoen oroiminez munduko gatazka nagusienetan musturra sartu nahirik.
Irakera Santiagoren Gurutze iraingarria eramatea kasualitate izan ez zen bezala, atsekabetu egin ziren gero bakegintzan joan eta militar mordotxo baten artean espainoltxu bat garbitu zutenean, ez da kasualitatea, ninja dortokak bailiran, fusila eskuan eta motxilatzarra lepoan, Espainia bat eta bakarraren bermatzaile hauek Euskal Herrian ibiltzea euren indarren erakusketan.
Aurreko egunotan mendirik mendi Amoroton, Mendexan edo Asterrikan zehar (!!!) mendigoizaleka ibili badira, bihar-etzian Uribe kostako labarren ondoan ibiliko ei dira zerutik behera parakaidistaka… Edozein ikastetxetan OSO GUTXI izendatuko litzatekeen nota aterata Espainiar ejerzito premiatsuan sartutako soldadutxoak gerran olgetan… Non eta Asterrikan! KAR-KAR-KAR.
Powered by Castpost
gaur kamioi batek hiru miliko bialdu dauz ospitalera. oin gerra zauriak izanda, medallaren bat paparrean eroateko? ganera, gehienen arpegiak ikusita, segurutik bai, patriotismoz beteta datoz hegoamerikatik espainia handiaren izenean hilteko prest. holakoentzako, jakina, extranjeria legerik ez. join the army!!
Comment by asel — 2006,September 28 @ 8:26 am
ostia! hamen etxean The Clashen diskografia osoari birpasa emoten nabilala, zelako sorpresa neure abotsa entzutea beste norbaiten blogean! karkarkar Eskerrik asko, Gora gerra!!
Comment by asel — 2006,September 30 @ 9:49 am