2000
“Año 2000-llega el año 2000″ zioen gurean Mikel Errekatzat hartu genuen rockero zahar hark eta hogei bat urte lehenago ere arimak eman ahalean kantatzen genuen zenbaki biribil harekin etorkizuna atzamarrez ikutuko genuelakoan, irudikatu ere ezin zitezkeen zer batzuen lekuko izango ginelakoan… Heldu zen, ba, aspertu arte iragarritako sasoi berri hura eta ez zuen berarekin ezer espezialik ekarri, aspaldion munduaren oreka albo-alboka jartzen ari diren gertakizunok ez badira…
Hau ere bada adarretatik ibili beharra… Ezer ere ez, alboko counter honek 2000. bisita hurbil dudala diostala eta, apal-apal, lantzean-lantzean interneteko zurkulutxo honetan sartu-urtena egiten duzuenokin ospatu nahi dudala. Oraintxe sartu behar dut txanpana kamaran.